Butuan City Pasado sa Gihimong Validation sa DILG sa Pagpatuman sa Road Clearing Operation
Milibot sa kadalanan sa Butuan City ang validation team sa DILG Agusan del Norte aron makita kung natuman ba sa LGU Butuan ang road clearing sa syudad.
Human sa pila ka oras nga pag validate, dayong nakigpulong ang DILG Agusan del Norte sa mga opisyal sa LGU Butuan. Gi usa-usa ang mga komento, suhestiyon ug rekomendasyon kay Butuan City Mayor Ronnie Vicente Lagnada uban si City Administrator Reynante B. Desiata ug DILG City Director Charissa Guerta.
Pasado man ang Butuan sa over-all validation, duna lamay gamay nga himoung improvement ang LGU Butuan aron mas hapsay ang kadalanan sa syudad. Nanghinaut ang team sa validators nga magmalahutayon ang pagpatuman sa mga balaod ang City Government sa Butuan.
Gidayeg usab sa mga validators ang kahapsay sa kadalanan. Gidayeg ug gipasalamatan usab ni Mayor RCL ang paningkamot sa mga personahe nga nagpaluyo sa road clearing operation ug ang mga punong barangays. Gipaagi sa cross posting activities kung asa dunay gimugma nga local validating teams.
Ang validation team gilangkuban sa BFP, PNP, CSO ug Butuan City DILG. Sa pagtuyok sa mga validators uban usab ang mga peronahe sa BPLD, DPWH, Task Force Bantay Butuan ug LTTMO. Aron malikayan nga naay partiality sa validation activity gihimo ang cross posting.
“Agusan del Norte DILG ang mga validators tungod sa cross posting kay aron kong muadto mi sa lain area definitely mas mahimong objective ang validation activity nga among icarry-out in the case sa Butuan mao nang ang Agusan del Norte na grupo maoy nianhi to validate our action, our operation” sigon ni City DILG Charissa Guerta.
Dugang ni City Director Guerta “Basi sa guidelines nga giissue sa central office, dunay component ang validation una niini ang road clearing operation, so dinhi tan awon kong naa tay gicarry-out na clearing operation so mao nang gitan aw diha ang mga obstructions kini ang pinakadako nga point pag abot sa total points nga makuha sa LGU sa validation activity, ang road clearing operation 50% na sa total, rehabilitation activity nga gihimo sa City Government, displacement strategy, roads inventory sa tanan kadalanan, grievance mechanism kini ang complaints nga ipadangat sa LGU ug ang direktiba nga pag ban sa tricycle na muagi sa national highway.”
Anaa usab ang presensya sa Office of the Building Official kun OBO ug DPWH alang sa mga poste sa ANECO nga naa sa mga sidewalk, dalan ug streets sa syudad sa Butuan.
