Valenzuela City – Patay ang isang lalaki matapos manlaban sa ikinasang buy-bust operation sa Dulong Tangke, Barangay Malinta, Valenzuela City.
Kinilala ang nasawing suspek na si Edwardo Magpayo alyas Lolo Ed.
Ayon sa Valenzuela City Police, nakabili ang kanilang asset ng P500.00 na halaga ng shabu sa suspek pero matapos mai-abot ang marked money ay nakatunog ito.
Agad na nagpaputok ng baril ang suspek kung saan patuloy ito nakikipagbarilan habang tumatakas.
Dinala pa sa hospital si Magpayo pero dineklarang dead on arrival ng mga doktor at nakuha sa kaniya ang nasa 20 pakete ng shabu at isang kalibre .38 na baril.
Facebook Comments
