Duha ka magkatuhay nga buy bust operation ang ginlunsar sang mga otoridad sa City Proper nga nagresulta sa pagkadakop sang mga Subject.
Una nga naaresto sang mga operatiba sang Police Precinct number 1 si Bernard Paampag alyas Dingdong, 44 anyos sang Barangay Tanza Esperanza City proper matapos mabaklan sang illegal nga druga sa balor nga 600 pesos.
Narecover kay Paampag ang pito tanan ka sachet sang suspected shabu.
Apisar sini, giunpanginwala ni Paampag nga nagabaligya siya sang shabu apang gin-ako sini nga nagagamit siya sang una.
Masunod naman nga naaresto sang Regional Drug Enforcement Unit ang isa ka babaye nga ginkilala kay Dolores Zerrudo sang amo man nga Barangay kon sa diin nakuha sa iya posisyon ang tatlo ka sachet sang suspected shabu kag 2,200 pesos nga buy bust money.
Mabaskog man nga ginapanginwala ni Zerrudo nga nagabaligya siya sang illegal nga druga.
