Ta prepara el maga pulis del Sta. Maria el propio caso que ay planta con el dos persona conquien ya aresta durante el buy-bust operation ya conduci adentro del un motel na Guiwan del Sabado mediodia.
Porcausa con el complete evidencia durante el buy-bust operation, ya pwede aresta el maga pulis con canda Rosendo Ladores, Jr., 34 anio de edad y un operation officer del un security agency y su companiero si Jason Redansa, 25, de Guiwan.
Con el maga suspechao ya aresta na un cuarto del Country Leaving Inn na Guiwan porcentro.
Maga pulis ya confisca desde canila el 11 paquete de shabu y marked money.
Con el dos persona dayun ya detene na celda del Sta. Maria Police Station mientras con el maga shabu ya entrega na PNP Crime Laboratory.
Caso del violacion section 5 y 11 del RA 9165 ay recomenda el maga pulis na fiscalia maniana na inquest proceeding.
