General Santos City—Mukabat ngadto sa P374,000.00 nga kantidad sa gituohang shabu ang nakumpiska sa operatiba sa PDEA-12 sa pakig-alayon sa Koronadal City Police office sa gihimo nilang operasyon batok sa usa ka suspetsado sa may National Highway, Barangay Zone IV, Koronadal City, alas 9:30 sa gabie niadtong nakalabayng adlaw.
Sikop ang suspek nga si Ian Baysa, 30, ulitawo, utility worker ug residenti sa Purok 19, Bayanihan NHA, Brgy. Fatima, General Santos City, samtang nakasibat ang kaubanan niini human nga nakamatikod sa presensya sa awtoridad atol sa operasyon.
Duha ka pakete sa gituohang shabu nga adunay timbang nga (50) gramos nga nagkantidad ug P374,000.00 ingon man mga drug paraphernalia’s ang nakumpiska sa PDEA ug sa kapulisan gikan sa suspek.
Kasong kalapasan sa Section 5, 11 ug 12 sa Article II ilawom sa RA 9165 (Comprehensive Dangerous Drugs Act of 2002) ang ipasang-at batok sa suspek ug sa kaubanan niining nakasibat.
