Dakop ang isa ka seaman kag ang upod niya nga call center agent sa buybust operation nga ginpatigayon sa Brgy. Taal, Molo sang nagligad nga Sabado.
Ginkilala ang seaman kay Robert Garcia, 28 anyos samtang ang call center agent ang ginkilala kay Cris Jan Sol Magbanua, 26 anyos, lunsay residente sang Bo. Obrero, Lapuz.
Nabaklan si Garcia sang isa ka sachet sang suspected shabu kag narecover ang dugang nga 70 ka sa sachet sang suspected shabu kag ginabulubanta nagabili sang php100,000.00 .
Suno kay Senior inspector Kennith Bermejo sang Regional Drug Enforcement Unit ukon RDEU, nagsungka na sadto sa kapulisan si Garcia kag ginpanginwala nga isa siya ka pusher matapos nadala ang iya ngalan sa listahan sang mga high value target .
Apang santo sa ila nabaton nga impormasyon , involve naman si Garcia sa illegal nga droga sang nanaog ini sa barko .
Suno pa kay Bermejo nga nagakuha si Garcia sang supply sang illegal nga droga sa syudad sang Bacolod .
