Davao City – Kasong kalapasan sa RA 9165 (Comprehensive Dangerous Drugs Act of 2002) ang ipasaka sa kapulisan sa korte batok sa upat ka mga individual nga nagpositibo sa pagpamaligya ug shabu.
Unang nadakpan ug napalitan sa Sasa Police Station og usa ka sachet shabu bugti ang P16,000.00 mark money sa Mc Arthur High way Matina Crossing ning dakbayan ang magtiayong sila Aladen Mohamad ug Maymay Mohamad, hingkod ang edad human nakuhaan ug duha ka dagko nga pakete sa shabu nga adunay estimated street market value nga P280,000.00 ug drug paraphernalia.
Samtang laing duha ang nasikop sa Sta.Ana Police Station, mao sila Dona Jane Cuizon, 22 anyos, ug Ruel Batindaan, alias “Kabaw”, 31 anyos, parihong residente sa Jerome Ext., Brgy.R Castillo, Agdao, Davao City, human napalitan og usa ka sachet nga shabu ug narecober ang laing 12 ka paketeng shabu nga gibana-banaang motimbang sa 12 gramos ug mokantidad sa P192,000.00.
Narecover usab gikan sa mga suspect ang mga drug paraphernalia.
Ang dinakpang managtiayon balhug na Sasa Police Station samtang sila Cuizon ug Batindaan alias “kabaw” priso na sa Sta. Ana Police Station.
RadyoMaN Don Pulayao
