General Santos City—Sikop ang duha ka hamtong samtang usa ka minor de edad usab ang gidakop atol sa gihimong Buybust Operation sa PDEA-Regional Office 12, alas 4:30 ang takna sa hapon niadtong Sabado, June 23, 2018 sa may Purok Maglanab, Brgy. Baliton, Glan, Sarangani Province.
Giila ang mga dinakpan nga silang Rabodin Sahak, 28, driver sa motorsiklo; Radz Sahak legal age; ug usa ka minor de edad nga itago lang sa pangalang alias Jan-jan, pulos residenti sa maong Barangay.
Napalitan ang mga suspek ug (1) ka sachet sa gituohang shabu gamit ang P500.00 nga marked money.
Samtang laing usa ka dakong pekete sa gituohang shabu ang nakumpiska gikan sa posisyon sa mga suspek nga mukabat sa kinatibuk-ang kantidad nga P340,000.00.
Kasong kalapasan sa Section 5 (Sale of Dangerous Drugs); Section 11 (Possession of Dangerous Drugs), Article II sa RA 9165 (The Comprehensive Dangerous Drugs Act of 2002) ang atubangon sa 2 ka suspek kansa balhog karon sa silda sa PDEA-12. samtang ang minor de edad nga nasikop giturn over na sa MSWDO sa lungsod sa Glan, Sarangani Province.
