Malipayon karong gipahibalo sa gobyerno nga gitaasan na ang presyo sa humay nga gipalit sa mga local nga mag-uuma.
Pero dungan niini mawala usab ang incentives nga pwede untang mapahimuslan sa mga mag-uuma.
Matod ni DA Sec. William Dar, nagdesisyon ang National Food Authority Council niadtong September 10 nga paliton sa gobyerno ang humay gikan sa mga mag-uuma sa presyo nga P19 matag kilo gikan sa kanhi P17 pesos.
Bisan paman niana, ang ulahi nga presyo mas ubos kumpara sa ulahi nga buying price sa NFA nga anaa sa P20.70.
Kuhaon na sa NFA council ang P3.70 nga insentibo nga gihatag sa mag-uuma.
Ang P3.70 nga Incentives para kini sa Buffer Stocking fee nga P3, 20 centavo sa delivery, 20 centavos sa drying, ug 30 centavo sa cooperative incentive fee
Gipasabot ni NFA Administrator Judy Carol Dansal ang pagtangtang sa incentives tungod kay limitado ang budget sa ahensya.
Kahibaloan giingon sa Philippine Statistics Office nga mihagsa na sa P8 matag kilo ang presyo sa humay sa uban nga rehiyon.
Pipila usab ka mag-uuma dinhi sa dakbayan sa Dipolog, ang nagreklamo tungod kay nalugi na sila sa ilang abot tungod sa kabarato sa palit sa humay unya grabe kamahal ang presyo sa abono ug pestisidyo.
