Roxas City, Capiz- Gin-imbitahan sang hepe sang Roxas City Police Station nga si Supt. Dante Tayco ang mga cyclist enthusiasts sa bilog nga Capiz nga buylogan ang “Sikad Kontra Druga Ligtas Balik Eskwela” nga programa sang kapulisan sa maabot nga adlaw sang Sabado Hunyo 23, 2018.
Suno diri nga ang kapin sa 44-kilometros nga ruta ang magahalin sa Capiz Police Provincial Office(CPPO) sa Brgy. Lanot kag magalibot sa mga dalanon sa sentro sang siyudad antes ang finish line sa Brgy. Baybay nga pagasundan sang isa ka boodle fight.
Panawagan sini sa publiko nga updan ang amo nga aktibidad bilang suporta sa maayo nga katuyoan sang kapulisan sa kampanya kontra druga.
Suno kay Tayco, ginalauman man nga maga-padulong sa amo nga hilikuton si PRO-6 Regional Director Police Chief Supt. John Bulalacao.
