*General Santos City— Magpabiling normal ang byahe sa mga bus agi sa bulaong terminal hangtud sa Disyembre 31. Kini ang gibutyag ni Jong Facurib, terminal administrator.*
*Sumala niya nga aduna lang kabag-uhan sa byahe sa mga bus sa Enero uno gumikan inay nga alas 3 sa kadlawon ang unang trip, adunay uban ang mag resume sa alas 5 na sa buntag samtang uban ang alas 8 na sa buntag.*
*Apan, gipaklaro niya nga walay mamahimong problema sa byahe gumikan gawas sa mga bus, anaa man ang daghan ihap sa mga van nga naga-byahe sa halos tanang lugar sa rehiyon gikan sa gensan.*
*Pag-angkon ni Facurib nga karon nga tuig, mas gamay ang ihap sa mga pasahero nga mibyahe pagawas ug gensan kung itandi sa milabay’ng tuig 2018.*
*Sa milabay’ng Disyembre 23 ning tuiga, anaa lang matud pa sa kapin 14mil nga pasahero ang niagi sa bulaong terminal kung itandi sa kapin 15mil milabay’ng tuig 2018.*
*Gipaniguro man usab ni Facurib nga magpabiling hugot ang siguridad nga ipatuman sa bulaong terminal dungan sa pagdagsa sa katawhan.*
*Nanawagan man usab siya sa tanang mga pasahero nga kung mamahimo likayan ang pagdala ug daghang gamit gumikan sa posibleng mabiktima sa mga kawatan sa mga terminal.*
