Davao City – Gilaraw karon ni Davao City Overland Transport Terminal (DCOTT) manager Aisa Yusoph nga regular sa gihapon ang schedule sa byahe karong umaabot nga Semana Santa.
Sa interbyu kaniya sa tulumanong ‘Straight to the Point’, gibutyag niini nga Mindanao Star lamang ang mobyahe sa South-bound samtang dagko nga kompanya sa bus sama sa Mindanao Star ug Rural Transit ang mobyahe sa North-bound karong Good Friday.
Sumala ni Yusoph, nagsugod na og kadaghan ang mga pasahero gahapong adlawa human sa gipahigayong Alveo Ironman 70.3 triathlon.
Giklaro usab sa DCOTT manager nga inig modagsa ang mga pasahero rason sa daling pagkapuno sa mga bus, dili na paaboton sa interval nga 15 ngadto sa 30 ka minutos una molakaw.
Kabahin sa road worthiness, aduna silay koordinasyon sa Land Tranportion Office (LTO) diin adunay surprise drug test nga ginapahigayon alang sa mga drivers ug adunay desk nga gimontar ang Land Transportation Franchising and Regulatory Board (LTFRB) aron sa pag inspeksyon sa mga bus.
RadyoMaN Jason Amisola
