Army nga nagluthang sa CAFGU, ara na sa custody sang Maasin MPS

231

ILOILO – Detained na karon sa Maasin Police Station si Staff Sgt. Alvin Estorco kag natalana nga pasakaan sang nagakaigo nga kaso.

Ini matapos ginturn over sang iya battallion commander si Estorco nga gintudlo nagtiro sa mga miembro sang Citizen Armed Force Geographical Unit ukon CAFGU sa Brgy. Panalian, Maasin, Iloilo kaagahon sang Marso 25.

Ginpahayag ni Senior Inspector Felix Allanza Jr. sang Maasin Police Station nga alas 11:30 Dominggo sang aga sang ginturn over si Sgt. Estorco dala ang iya issued firearm nga r4 rifle.

Suno kay Allanza nga nasal-an ni Estorco nga mga kontra ang mga CAFGU samtang nagalakat sila sa dalan pauli halin sa pagbantay sa baylehan sa Brgy. Ubian, Maasin.

Gindugang pa ni Allanza nga hubog si Estorco sang nagtabu ang pagpangluthang sini sa mga CAFGU kon sa diin napatay si Albert Magarse, 28 anyos sang Brgy. Panalian samtang pilason sanday Juan Magarse, Aljun Magarse, 24 anyos; Michael Magarse, 22 anyos, lunsay sang brgy. Panalian kag George Calibayan sang San Miguel, Iloilo.

Facebook Comments