Byahe sang mga bus nga iya sang Vallacar Transit Incorporated halin Roxas City- Iloilo and vice versa, maga-umpisa subong nga adlaw Hunyo 3!

49

Roxas City, Capiz- Liwat na nga magabalik ang operasyon sa pagbyahe sang mga units nga iya sang Vallacar Transit Incorporated halin Roxas City- Iloilo Vice versa subong nga adlaw Hunyo 3, 2020.

Ginpahayag sang Vallacar Transit, Inc. base sa ila facebook page nga naghatag na pahanugot si Roxas City Mayor Ronnie Dadivas nga makabyahe ang masunod nga mga ruta:
Iloilo to Roxas City via Passi and vice versa;
Iloilo to Roxas City via Pavia, Calinog, Tapaz and vice versa;
kag Iloilo to Roxas City via Estancia and vice versa.


Nahibaluan nga antes sini, nakigsapol kahapon nga adlaw si City Mayor Ronnie Dadivas kanday Admin Manager Janice Original, Finance Manager Frederick S. Villaflores kag Operations Manager Edgar Casamayo sang Vallacar Transit Incorporated agud nga istoryahan ang pila ka mga problema sa pag-resume sang ila operasyon.

Ginpahayag ni Dadivas nga pagahatagan nila sang ‘authority to operate’ ang Vallacar Transit sa ti-on nga ma-comply sini ang requirements sang LTFRB kag Local Government angut sa Public Health Standards.

Ginpasalig man sang Vallacar Transit nga magasunod sila sa mga guidelines para sa kaayuhan sang mga pasahero kag ila empleyado.

Ginpat-ud nga igapatuman nila ang physical distancing, placement sang visual markers, observance sang 50% sitting capacity kag paghimu sang passengers manifest para sa contact tracing.

Facebook Comments