Inspecting team gi-umol sa syudad, mga natangong sa ubang lugar nga nipauli sa syudad, hugtanong gimonitor

Pagadian City – Niumol og inspecting team ang local nga kagamhanan sa dakbayan sa Pagadian aron mamonitor ang mga pasahero sa sakay sa matag tugpa sa eroplano ilabina sa mga Returning Overseas Filipinos (ROFs) ug Locally Stranded Individuals (LSIs) nga mopauli sa syudad.

Ang team gilangkuban sa kapulisan, personahe gikan sa Road Traffic Management Office ug empleyado sa City Government.

Gibutyag ni Pagadian City Mayor Sammy Co atol sa Laging Handa Network Briefing sa Presidential Communications Operations Office (PCOO) pinaagi ni Secretary Martin Andanar, gigahinan og motorsiklo ang team aron sundan ang matag indibidwal nga nakabenipisyo sa Balik Probinsya Program sa pagpa-uli niini sa lain-laing barangay nga sakop sa syudad.


Sigon sa Mayor , kabahin sa local protocol ang pagturn-over ngadto sa matag kapitan sa Barangay sa matag abot dinhi sa syudad nga na-stranded sa ubang dapit aron mahukman kon ipailalom ba kini sa katorse diyas nga home quarantine o kinahanglan ibutang sa isolation centers sa Barangay.

Gidugang ni Co nga ang matag Barangay sa syudad dunay gigahin nga unom ngadto sa napulo ka isolation centers nga mga classrooms sa tulunghaan.
(Photo courtesy: Asenso Pagadian)

Facebook Comments