Davao City – Arestado sa hot pursuit operation sa Padada Municipal Police Station ang suspek nga si Noli Lim Ortega, 59 anyos , byudo nagpuyo Almendras District, Padada Davao del Sur.
Sa imbestigasyon sa PMPS, mireklamo ang inahan sa biktimang 7 anyos ug grade 1 pupil sa maong lungsod tungod sa gihimong pagpangabuso sa suspek sa iyang anak babaye.
Nasayran nga giguyod sa suspek ang menor de edad sa kasagingan ug didto gi molestiya sa suspitsado.
Ang gihimo sa suspek ngadto sa biktima nakita sa testigo nga si alyas Gorio alas siete pasado sa kagabhion nga maoy hinungdan sa pagkasikop sa byudo.
Anaa na sa kustudiya sa PMPS ang suspek samtang giandam na ang kaso batok sa dinakpan.
RadyoMaN Erin Lumosbog
Facebook Comments
