Davao City – Nagpatuman og hugot nga measures ang Davao International Airport batok new COVID-19 variant.
Sa interbyu sa RMN Davao kang Rex Obcena, Civil Aviation Authority of the Philippines (CAAP) Davao Manager, wala gihapoy scheduled international flights ang dakbayan.
Gihangyo sa CAAP Davao ang mga airlines nga i-double check ang mga pasaherong gikan sa mga areas diin nagpatuman og travel ban ang nasud subay sa gipagulang notice sa national government ug kinahanglang mapatuman ang mandatory 14 day quarantine sa maong mga pasahero.
“Wala gihapon tay international flights except sa katong naay na-approved nga repatriation pero wala toy inbound puro outbound mga foreign national,” sumala ni Obcena.
Gibutyag ni Obcena, sa repatriation flight wala say gitugutang mukanaog nga mga crew lakip na kapitan sa eroplano.
Pahimangno ni Obcena sa mga pasaherong pasulod og Davao nga kumpletuhon ang mga rekwisitos nga gikinahanglan nilang ipresenta, kung nakahuman na og 14 day quarantine magpakita og pruweba gikan sa Bureau of Quarantine, dokumentos nga nagpamatuod nga residente sa Davao ug essential ang ilahang travel.
RadyoMaN Aimee Guinita
tagsa: DXDC 621 RMN Davao
