Dipolog City, Zamboanga del Norte – Patay ang usa ka motor cab drayber human pusila sa usa ka polis, alas 7:30 kagabii sa may purok parpagayo, barangay olingan ning dakbayan sa Dipolog.
Ang kapolisan naila sa biktima nga mao si Arnold Arias Legados, 40 anyos, minyo, cab drayber samtang ang gitudlong suspetsado mao si PO3 Rebomariphel Quezon Agpasa hingkod ang edad, PNP member sa Josefina Municipal Police Station, Zamboanga del Sur PPO, ang duha magsilingan sa maong dapit.
Subay sa spot report gikan sa Dipolog City Police Station, nasuta kagabii ang suspek nga si PO3 Agpasa kauban iyang igsoon nga si Reymar Agpasa, ug Fortunato Agpasa, polos molopyo sa dapit, ang naginom kini sa may barbecue stall nga iya ni Alfe Rendon Rael sa may barangay road dihang nalabay ang biktima ilang kining gipahunong.
Pipila ka minutos, nagkalalisay ang polis ug biktima nga niresuta sa away hangtud sa ginokdanay, diin ang polis nilanit sa wala matino nga kalibre sa armas ug gipusil ang biktima.
Ang biktima naka-angkon ug usa ka samad pinusilan sa iyang bagulbagol nga maoy hinongdan dead on arrival sa Corazon Aquino Hospital, Dipolog City.
Samtang ang suspek uban sa iyang igsoon, nisibat sa dapit og karon at large pa sa kapolisan.
Sa nakuhang kasayuran sa mga siligan sa dapit, matud pa ang anak sa biktima ug sa suspek nagkasinogmagay ang sa miaging adlaw, nga posibleng maoy hinongdan sa lalis sa duruha nga miresulta sa pagpamusil.
Sa interview sa rmn dxdr ni PINSP. Joel Adajar, OIC-Chief of Police sa Josefina Municipal Police Station, gikompermar niini nga aktibo pa sa serbisyo si PO3 Agpasa ug naka-assign kini sa ilang buhatan, diin off duty atol sa hitabo.
Gidugang pa niini nga anaa na silay inisyal nga kotakanay sa suspek nga matud pa may panahon na kining moreport unya kaniya aron mosurender.
