Davao City – Sa kadagha’g mga balaod sa Pilipinas, dili ang kakulangon sa Solid Waste Management Law ang problema kung nganong makonsidera ang Pilipinas isip ‘third biggest dumper of plastic in the ocean’ kun dili ang haguka nga pagpatuman niini.
Matud ni Kinaiyahan Foundation Inc. executive director Betty Cabasares sa tulumanong ‘Straight to the Point,’ gikinahanglan ang massive ‘Information Education Communication’ kun IEC campaign aron mapasabot sa tanan ilabi na sa mga anaa sa pinaka-ubos nga ang-ang sa sosyedad kung unsa ang kamahinungdan sa solid waste management.
Dugang sa environmental advocate nga kanunay kauban sa IEC mao ang ‘appropriate educational tools’ ug ‘educational methodology’ pinaagi sa hustong konteksto aron masabtan gayud kini sa katawhan.
Gipasabot ni Cabasares nga kun dili i-manage og tarong ang basura, mobalik kini kanato pinaagi sa mga ‘environmental disasters’ sama sa ‘red tide’ nagpasabot nga dili maayo ang pagdumala sa mga basura hinungdan sa pagkadaut sa kadagatan.
RadyoMaN Jason Amisola
