Davao City – Naglaum ang Davao City Anti-Drug Abuse Council (CADAC) nga walay mamatay sa paggukod sa mga giingong police scalawags karong panahona human nagpagawas og reward si Pres. Rodrigo Duterte batok sa mga police nga giingong nalambigit sa nagkadaiyang krimen ilabi na sa gidiling droga nga hangtod karon wala pa gihapon miundang.
Sa interview sa DXDC RMN Davao kang CADAC Chairman Mikee Aportadera, miingon kini nga kung mahimo lang walay mamatay sa maong tumong ug ipaagi sa ensaktong proseso sa pagpahamtang og silot sa mapamatud-ang police nga nalambigit sa mga binuang human migawas ang balita nga ‘shoot to kill order’ batok kanila.
Giklaro usab ni Aportadera, dili tanang police ang misulod sa mga sindikato ug posibleng ang uban niini nadamay lang.
RadyoMaN Bernard Pantallon
