Davao City – Midangop sa Talomo PNP ang usa ka bana nga si alyas Romy, residente sa Sitio Saavedra, Catalunan Grande ning siyudad kinsa buot ireklamo iyang asawa gumikan nakig relasyon matud pa kini sa laing lalaki.
Ang ang gireklamo mao si alyas Juliet, 35 anyos, residente sa nahisgutan nga lugar.
Sumbong sa complainant nga daghang istorya ang iyang nadungog gikan sa ilang mga silingan diin matud pa panahon nga mopadulong kini sa trabaho adunay lalaki nga mosulod sa ilang panimalay ug manara sa pultahan.
Gani nakumpirma ni Romy sa milabay’ng adlaw ang maong istorya human nabasahan niini ang mga text sa cellphone sa iyang asawa gikan sa actor.
Gidugang sa bana nga nagapasumangil matud pa kini nga manglaba ngadto sa Bankerohan apan mo-uli na matag alas dos sa sayong kaadlawon.
Samtang karong panahona gibiyaan na gayud kini sa hingpit hinungdan nga iya kining gipatala sa Talomo PNP.
RadyoMaN Paul Canono
