Davao City- Kinahanglan gihapon sa Philippine Drug Enforcement Agency ang tabang sa Philippine National Police diha sa gyera kontra iligal nga droga.
Kini maoy lantaw ni City Anti-Drug Abuse Council officer Michael Denton Aportadera.
Matud ni Aportadera nga mismong si PDEA chief Aaron Aquino nagsulti nga kinahanglan niya ang tabang sa kapulisan sa pagsulbad sa iligal nga droga tungod sa kakulangon sa personahe.
“He needs the PNP kay police man pod na siya, so he understands the dynamics of the PNP and the PDEA. It’s going to be a very daunting task for him kung independent na ang PDEA to handle the drug problem medyo maglisod gyod sila ana at first,” segun ni aportadera.
Ang mando ni Presidente Rodrigo Duterte sa PDEA pamaagi aron ang ahensya na gayod ang mututok sa mga anti-illegal drug activitie sa gobyerno.
Gitataw ni Aportadera nga dili maapektuhan ang CADAC karon nga ang PDEA ang muhimo’g aksyon kontra iligal nga droga dinhi sa dakbayan.
“It would’nt affect me sa Davao because I’ve already coordinated with everybody sa community, I actively involve the community, it’s not basically depending on the PDEA and PNP so dili kaayo ko mamroblema ana,” gisulti ni Aportadera.
Niani’g kritisismo gikan sa mga kritiko sa administrasyon ang operasyon sa kapulisan tungod usab sa mga napusilan patay nga gikataho nga nisukol atol sa mga anti-drug operations.
Base sa datos sa pnp anaa sa 3,500 ka mga giingong drug personalities ang napatay sa lehitimong operasyon sa kapulisan sa entero Pilipinas.
RadyoMan Aimee Guinita
