Davao City – Dili palampason sa militar ang gihimo nga paglunggo sa ulo sa usa ka Lumad CAFGU didto sa San Miguel, Surigao del Sur niadtong nakalabayng mga adlaw. Segun ni 67th IB Commander Lt. Col. Jake Obligado dili kini makaturangon ug dili binuhatan sa usa ka tao ang pagpamatay sama sa gihimo sa mga NPA terrorist.
“It goes to show that they are really inhuman, anti-people, barbarous talaga na act iyan only animals can do that, since they were already declared by the president as terrorist, the president is truly right that they are terrorists,” sumala ni Obligado.
Matud ni Obligado nga himuon sa gobyerno ang tanan aron mahatagan og hustisya ang pamilya ni Manobo CAFGU Mar Acebedo Bocales kinsa niagi pagpang-torture una kini gipatay.
“The government is always trying its best particularly ang mga kasundaluhan na magapi ang ganitong mga action ng mga teroristang grupong New People’s Army,” matud ni Obligado.
Subay niini gipakusgan pa ni Obligado ang ilang koordinasyon sa LGU, PNP, mga katawhan ug uban pang mga sektor aron walay mahitabo nga klase sa pagkutlo og kinabuhi sa iyang area of responsibility.
Taliwala pa man sa maong insidente giawhag ni Obligado ang mga sakop sa NPA nga dawaton ang mga giandam nga tabang sa higayon nga mubalik na sila sa sabakan sa gobyerno.
RadyoMaN Aimee Guinita
