Davao City – Dakpan atol sa DCPO-TF Davao checkpoint ang usa ka barangay kagawad, escort niini nga CAFGU ug laing tulo pa ka mga kaubanan niini kinsa giingong nakalapas sa gun ban nga gipatuman sa Commission on Elections (COMELEC) sa may Barangay Lacson, Calinan, Davao City.
Naaresto ang mga suspek kaganihang alas 10 sa buntag nga sila Analiza Jalapon Arquillano, barangay kagawad sa Magpet, North Cotabato, George Mahinay Arquillano, negosyante, Reynan Lover Adame, drayber nga si Arnel Repollo ug SCAA escort nga si Renier Pedroso sakay sa orange nga Ford Ranger pick-up.
Nakuhaan ang maong grupo og 2 ka mga hand grenades, usa ka .45 kalibre nga pistola, 73 ka mga bala, lima ka mga magazines, usa ka 9mm pistol nga anaay 64 ka bala ug 2 magazines ug 1 usab ka Caliber 30 M2 Carbine nga anaay 99 ka bala ug 5 short magazines ug 1 long nga magazine.
Matud ni DCPO head P/Senior Supt. Alexander Tagum nga kasong may paglapas sa Gun Ban, RA 10591 ug illegal possession of explosives ang ipasaka sa mga suspetsado kinsa priso na karon sa Calinan PNP.
“Pag approach pa lang ng Joint team ng Task Force Davao and Calinan Police Station may nakita agad sila na visible na presence ng carbine na hawak-hawak ng isa and when they identified him later he is a member of the CAFGU based in Magpet, Cotabato,” matud ni Tagum.
Sumala ni Tagum nga sa ilahang gipahugtang checkpoint sukad nga niarangkada ang gunban adunay laing siyam usab ka mga tao ang malampusong nahagbong sa kamot sa mga awtoridad kagabie didto sa Maharlika Highway, Kilometer 25, Bunawan ug nakuhaan usab og mga armas ang napatay nga robbery suspek atol sa operasyon sa Joint Special Task Force Operatives didto sa Purok 5, Brgy Matina Biao, Tugbok Dist., Davao City.
“Daghan-daghan na ni sila naka violate sa Gun ban kay kagahapon nakakuha pod ang joint operation sa Bunawan, CIDG and PDEA og 4 firearms, 2 .45 , 2 .38, all are patented firearms that are homemade and another was taken during an special operation at Tugbok area nakakuha ang atong elemento og usa ka .45 ug usa ka machine gun ug napatay ang usa ka suspek who is involved in the series of robbery hold-up incidents involving panel delivery trucks sa Davao City,” matud niini.
RadyoMan Aimee Guinita
