Davao City – Nagpakitabang sa Buhangin PNP ang tulo ka mga residente sa Dumanlas human sila gihulga sa hubog ug nagmaoy nga CAFGU.
Gilayon miresponde ang kapulisan ug gi dis-armahan ang suspek nga si Junepher Ugnit, CAFGU ug nadestino sa Bacsarpa Detachment sa Sitio Quibaton Sumimaw, Barangay Domingo Calinan ning dakbayan.
Base sa saysay nila ni Dennis Anthony Yap, John Russel Moaquite ug Arnel Garcia, pulos nagpuyo sa Tagum City, pareho sila bisita sa adlaw natawhan ni Niña Abarques ug lola ni Dennis ang mga complainants ug ang suspek.
Dihang hubog na ang CAFGU kalit kini nagmaoy ug mihulbot og .357 revolver dayon tion tumong sa tulo alas 9:30 sa gabii didto sa Dumanlas.
Pakyas sa pagpresenta sa mga dokumento ang CAFGU nga suspek sa gikuptan nga pistola.
Balhog karon sa Buhangin PNP si Ugnit samtang gihikay na ang kasong may kalabutan sa pagsupak sa RA 10591 kun Illegal Possession of Firearms ug Grave Threat
RadyoMaN Joel Viray
