Dead on the spot an isa ka 23-anyos na layaki na miyembro sa Citizen Armed Forces Geographical Unit o CAFGU human sija aksidente na nakuryentehan gawas sa ila mismo bayay sa Purok 1, Barangay Jamoyaoan, sa lungsod nan Del Carmen, sa Siargao Islands. An biktima na nakuryentehan tagkilaya na si John Gilbert Balbin, 23 anyos, ulitawo, residente sa amo na lugar, kun diin bag-ohay pa na recruit isip isa ka miyembro sa Cafgu ubos na sa Phil. Army. Basi sa nakuha na impormasyon nan RMN Surigao sa imbestigador , an biktima nagkabo ra nan tubig pamisbisbis sa ila mga tanom sa suba na diin may natumba na poste sa koryente ug aksidente ini na inkuryentehan. Sa gihimo na post-mortem examination sa patay na lawas, an nakuryentehan na si Balbin an nakaangkon nan mga sunog o 3rd degree burns sa ija lawas, na hinungdan sa ija kamatayon. (RadyoMaN Winston Ensomo)
