Aduna nay implementation plan o implan ang Cagayan de Oro City Police Office o COCPO alang sa usa ka bulang mga kalihokan sa syudad, alang sa kapistahan ni St. Agustine sa Agusto 28 ning tuiga.
Kini ang gipahibalo ni COCPO Spokesperson Police Major Evan Viñas, kinsa miingon nga gipakatag na nila ang ilang kapolisan sa bisan asang event area sa syudad nga kabahin sa Higalaay 2019.
Tungod niini, makita sa bisan asang bahin sa dakbayan ang mga ginsakpan Explosive Ordnance Division, K-9 Unit, City Mobile Force ug mga unipormadong kapolisan.
Gani ang Divisoria Police Station kung asa, ubos sa ilang area of responsibility ang sentrong bahin sa syudad, ang mihimo og paneling ug sanitation sa maong dapit.
Kini ilabina nga sa Gaston Park gipahigayon ang Higalaay Agrifair and Garden show ug sa divisoria moagi ang Cagayan de Oro Carnival Street dance Competition, Higalaay Street Parade and Floats ug Religious Procession.
Tungod niini, gimando ni COCPO City director Police Col. Henry Dampal nga mas pahugtan pa ang seguridad sa syudad batok sa mag dautang element, ilabina nga modagsa ang daghang tawo atol sa kapistahan sa syudad.
