Cagayan de Oro ug Misamis Oriental, nakasinati sa 17.2 Degree Celsius nga kabugnaw sa panahon

Web Photo

Nakasinate karon sa sobrang kabugnaw nga panahon ang Cagayan de Oro ug Misamis Oriental resulta matud pa sa Cold surge epekto sa Hanging amihan ug Winter season sa China, Mongolia ug Siberia.

Kini ang gipasabot ni Ma’am Luz Mercado ang weather specialist sa PAG-ASA, Molugan, El Salvador City.

Dili lang matud pa hangin ang bugnaw apan lakip na ang tubig nga una nang gireklamo sa katawhan ilabina panahon sa kadlawon.


Gikan sa Disyembre hangtod ning bulana, ganinang alas dos sa kadlawon nasinati ang 18.8 Degree Celsius nga temperatura samtang pagka alas singko ganinang buntag, miubos ang temperatura sa gibugnawon nga 17.2 Degree Celsius.

Kini matud pa ang pinakabugnaw nga panahon nga nasinati dinhi sa siyudad ug Misamis Oriental sugod sa bulan sa Disyembre hangtod ning kasamtangan ug laumang molungtad pa ang kabugnaw sa panahon hangtod sa ulahing semana ning bulan sa Pebrero.

 

Facebook Comments