General Santos City—Gikumpirma ni Police Chief Inspector Peter Pinalgan Jr. hepe sa Police Station 3 nga basi sa gihimong ballistic examination nag-match ang basyo sa balang nakuha human gipusil-patay si PO3 Clark Bachoco ug ang kalibre 45 nga armas nga gikan sa posisyon ni Faisar Giuamat nga suspek sa pagpangransak.
Pasabot matud pa nga siya maoy responsable sa pagpusil-patay sa Chief Intel sa Police Station 5 milabay’ng tuig kung asa basi sa mga naunang imbestigasyon sa Task Force Bachoco, siya maoy gitutukan nga nag-unang suspek.
Sa karon, ilaha pang ginapaabot ang final result sa ballistic examination aron makita kung gawas sa kaso ni PO3 Bachoco, aduna pay laing gikalambigitan nga pagpamusil ang nahisgutan.
Dugang pamahayag ni PCI Pinalgan nga sa karon dili pa niya mabutyag kung miyembro sa usa ka organisadong grupo si Guiamat o kung usa kini usa sa mga makonsiderang hired killer sa dakbayan.
Gumikan sa karon padayon pa man ang ilahang ginmahimo nga imbestigasyon sa nahisgutan. Apan pagpaklaro niya nga sa pagsuway niini ug ransak sa usa ka pharmacy siguradong aduna kini mga kaubanan.
