Davao City – Mamahimong maka-avail ang mga miyembro sa Pag-IBIG fund sa calamity loan.
Subay kini sa mga pangutanang unsay maikadalit sa Pag-IBIG fund ugaling maapektuhan ang mga miyembro nila sa kalamidad diin karon sunod-sunod nga nakasinati karon ang katawhan sa syudad sa Davao sama sa pag-igo sa ipo-ipo sa Agdao, sunog sa ubang areas ug uban pa.
Sumala ni Romeo Abucejo nga ma-avail lang sa mga miyembro ang calamity loan og adunay deklarasyon nga ipailawum sa State of Calamity ang usa ka lugar nga naigo sa kalamidad apan og wala, dili usab nila mahanyag ang maong klase sa loan.
Sa pikas bahin, giklaro ni Abucejo nga pwedeng mamahimong miyembro sa Pag-IBIG fund ang mga dili government employees diin ang self-employed o sel-paying member ang status nila diin mamahimo lang icheck ang www.pagibigfund.gov.ph alang sa mga buot magpamiyembro ug magparegister niini.
RadyoMaN Renz Barbarona
