Pipila na ka beses nga nakasakay ko og taxi nga calibrated na pipila palang
ka semana ang milabay sa dihang gihinayhinay na og calibrate sa LTRFB ang
mga taxi units dinhi sa Cebu.
Nakabantay gyud ko sa kalihian sa akoang usual nga pletehan from point A to
point B. Naa gyuy mga 15 to 20 pesos nga pagsaka sa plete kung duol-duol
lang ug mas taas pa kung medyo layo-layo ang distansya.
Gahapon lang, Marso 18, nakahinabi nako ang usa ka driver nga mi-confess
nga sa newly calibrated meter kay anaa nay 2 pesos nga waiting time fee. Ug
mao ni ang hinungdan nga posibleng mamenosan na ang mga driver nga mamili
og pasahero. Labi na nga kung ang dalan nga agian sa taxi kay heavy traffic
ang sitawasyon.
Suma pa niya nga makalipay nalang daw ni nga pagsaka gamay sa ilang inadlaw
nga kita kaysa naman sa wala gyuy pagsaka. Apan mao lage pud kuno nga naa
poy 50 pesos nga increase sa ilang abangan. Sa uban gane niyang kaila nga
100 gyud gane.
Same ra gihapon ang flagdown rate nga 40 pesos, apan ang klaro lang gyud
nga nakapamahal sa bag-ong pletehan sa taxi sa calibration mao ang 2 pesos
nga waiting time.
Ikaw idol, kasakay na ba ka og taxi nga calibrated na ang meter? Kabantay
baka na mas mahal mahal gyud ang imong nabayaran?
