Calinog Mayor Alex Centena indicted sa kaso nga graft

1351

ILOILO – Gin-indict sang Office of the Ombudsman si Calinog Mayor Alex Centena sa kaso nga graft sa Sandiganbayan angot sa gina-alegar ma-anomaliya nga pagbakal sang abono (fertilizer) sang 2004.

Base sa charged sheet, nagapangatubang si Centena sang pagbayolar sa Section 3 (e) sang Republic Act No. 3019 ukon ang Anti-Graft and Corrupt Practices Act.

Suno sa pahayag, gingamit ni Centena ang iya posisyon angot sa maanomaliya nga pagbakal sang 666 ka botelya sang Bio Nature Liquid Fertilizers nga nagabili sang P999,000 gikan Feshan Philippines Inc.

Suno sa Ombudsman, ang kontrata sa Feshan ang wala nag-agi sa husto nga proseso sang mandatory public bidding nga ginarequire sa pagprocure.

Facebook Comments