Davao City – Patay na nga napalgan ang usa ka call center agent didto sulod sa boarding house nga iyang girentahan nahimutang sa Purok 5, Bolton Ext.Brgy. 40-D siyudad sa Davao.
Sa report gikan San Pedro Pnp ang biktima nailang Lemuel Dag-um, 23 anyos, nitibo nga taga Lantapan Bukidnon kasamtangan nagpuyo sa nahisgutang barangay.
Sa imbestigasyon nga gilusad sa kapolisan sumala pa nga nadiskobrehan nalang sa usa ka caretaker sa maong boarding house nga nailang Brian Montenora ang patayng lawas sa biktima nga wala na naglihok niadtong tungora.
Matud pa sa mga ka boardmate sa biktima nga nakit-an pa kini pasado alas 5:00 hapon hangtod sa alas 11:00 sa gabie aron moduty sa iyang trabaho apan pagkabuntag nakurat nalang ang mga ka boardmate niini nga pasado alas 8:00 sa buntag wala na nibangon ang biktima.
Nigawas sa imbestigasyon sa kapolisan nga walay foul play ang kamatayon niini diin nasuta nga dunay gihambing nga balatian ug gituohan nga usa sa hinungdan sa iyang kamatayon.
Sa karon ang patayng lawas gidala na sa Angel Funeral Parlor Homes ning dakbayan.
RadyoMan Don Pulayao
