Davao City – Gitulis ang mga call center agents sulod sa usa ka call center establishment sa Purok 3 Everlasting Mirafuentes, Brgy. North, Tagum City, Davao del Norte alas 2:11 kaganinang kadlawun.
Sa report gikan sa Police Regional Office kun PRO XI, gihulga matud pa sa suspek ang mga biktimang giilang sila Sistine Narisma, owner/manager sa CSAF Call Center, Joan Mahusay, Danela Coyoca, Adelaida Alcando, Peter Sean Pioquinto, Cherlyn Ansojas, Ruth Valentin, Kyoko Marie Tamayo, Jyus Keirby Mabalut, pulos mga Call Center Agents sa CSAF (Cherry Sistine Administrative Firm).
Matud pa nga misulod ang wala mailhing suspek sa maong establisimiento dala ang handgun ug gihadlok ang mga biktima nga ihatag ang mga cellphones ug kwarta alang sa ilang seguridad.
Dugang sa report, nadagit sa suspek ang mga mahalong cellphone, personal IDS, ATM card ug mga gamit lakip ang kwarta nga mutotal og kapin 15,000 pesos.
RadyoMaN Renz Barbarona
