Laumang makamugna ug daghang trabaho ang pagatukuron nga call center sa siyudad sa Malaybalay.
Sa interview sa RMN Malaybalay ngadto kang Hansel Echavez, ang supervising administrative officer sa Public Affairs and Information Assistance gibutyag niini nga tukuran sa call center ang bag-ohay lang nga gi-demolished nga area sa Barangay 4 Muslim Vendors Association nga nahimutang atbang sa Plaza Rizal ning dakbayan.
Matud ni Echavez nga tukuron ang 3 storey commercial building sa mao nga dapit diin ang ground floor magsilbing stall kung asa mubalik ra sa pagpamaligya ang mga apektadong vendors sa mao nga dapit.
Samtang ang ikaduha ug ikatulong andana ipahimutang ang call center.
Gibutyag ni Echavez nga oportunidad kini sa mga nigradwar ug mogradwar nga makatrabaho isip call center agent.
Lauman nga anaa sa halos 2,000 ang makatrabaho sa mao nga cal center kung hingpit na kining mahuman.
