Bien inchilao ya le maga vivientes del Enriquez Drive, Sta. Catalina porcausa con el diila sufrimiento con el agua que tapao ya el entero calsada.
Na reclamo del maga vivientes ya lleva na attencion del RMN Zamboanga asegun largo tiempo ya ta padese el maga residentes donde bien sumido el dillacamino na agua que bien berde ya el color porcausa na lumud.
Cuantos ya tambien maga motorsiclo el yan balisacat porcausa bien malandug causa del lumud.
Asegun con el maga residentes tienevez sila sila ya lang mismo ta man ayudahan precura limpia conel desague aber para mengua el agua na camino.
Sentimiento el maga vivientes con el maga barangay officiales ta encabesa el kapitan si Belman Malandi que donde dolomismo nuay cosa ta hace para lleva alivio na mencionao lugar.
Ta sufri tambien el maga bata estudiante ta anda na escuela porcausa ta muha diila sapatos y pies.
Ta llama tambien sila el attencion del water district que asegun posible tiene leaking na tubu de agua na lugar.
