Davao City – Gipangandaman nang daan sa Barangay Tibungco, Davao City, ang posibleng dangatan nunot niining padayong pagkuyanap karon sa coronavirus disease kun COVID-19.
Sumala ni Tibungco Barangay Captain Merjade Deles-Calvo, usa sa ilang gihimo mao ang pagpasabot o pag-edukar sa mga tawo sa iyang barangay kabahin sa mga angayang himoon subay sa mga guidelines nga gipagawas sa gobyerno batok COVID-19, ilabi na sa community quarantine.
Matud ni Calvo, adunay mga tawo sa iyang lugar nga dili dayon makasabot ug naa puy di gyud mosabot.
Gipasabot usab ni Calvo nga kung adunay mga bag-ong polisiya nga ipagawas unya si Mayor Sara Duterte Carpio, dili na kaayo maglisud ang mga tawo pagtuman niini tungod kay kanunay nilang ginapasabot sa dili maayong sangpotanan niining maong balatian.
RadyoMaN Bernard Pantallon
