Campaign materials nga gibaklas gamitong ebidensya sa pagdisqualify sa mga kandidato

Halos usa ka Dump truck nga Campaign Materials nga nakalapas sa Designated Common Poster Area ang nabaklas sa Comelec 2nd District sa Buhangin District ning syudad sa Dabaw.

Sumala ni 2nd District Comelec Officer Atty Menchie Mamukid nga karong hapon nakaturok ang ilang team sa Agdao District ug ipadayon karong byernes sa Bunawan District ang Operation Baklas.

Matud ni Atty Mamukid nga ila unang gipadad-an ang mga kandidato ug sulat sa ilang mga kalapasan apan wala manumbaling sa ilang mga Campaign Materials nga kadaghanan nahimutang sa mga poste sa kuryente ug punuan sa kahoy rason nga gibaklas sa Comelec.

Nagkanayon ang opisyal sa comelec nga ilang gamitong ebidensya ang mga nakalapas nga campaign materials sa posibling atubangong disqualification case sa mga kandidato apan ila usang sulatan ang mga malapason aron makakomento ingun man mapatuman ang due process sa ilang mga nahimong kalapasan

RadyoMaN Erin Lumosbog