Notadong tigpayuhot og illegal nga droga patay sa buy bust operation

Davao City – Patay ang drug personality og notado human misukol sa kapulisan sa Toril atol sa gikasang drug buy bust operation sa Brgy. Lubogan, Toril, ning syudad niadtong milabay’ng adlaw Oktubre 22, 2023.

Sa report gikan sa Toril Police Station wala pay kompletong pangalan ang suspetsado gitago lang sa pangalan alyas “John-John” 28 anyos,ulitawo, sa Sitio De Leon sa nasampit nga Barangay..

Sumala pa malampusong napalitan og illegal nga droga ang suspect apan sa dihang nakamatikod nga police ang iyang gikatransak misukol sa kapulisan og mibunot sa iyang armas dayon pusil sa mga pulis apan abtik nga nibawos og pusil ang kapulisan resulta sa pagka neutralize sa suspect.

Nahinabi usab sa DXDC News Team si Police Executive Master Sargeant Leo Romero Chief Investigator sa Toril Police Station, nasayran nga kining suspect gikonsidera notatado og nalambigit sab sa kawat sa ilang area of responsibility (AOR) sa Toril.

Sa gilusad nga buy bust operation kini kabahin sa mas gipakusgan nga kampanya kontra illagal nga droga ngadto sa AOR sa Toril Police Station.

RadyoMaN Don Pulayao