*General santos city— nagpahigayon ug candidates briefing ang comelec gensan ngadto na samga kandidato sa managhiing partido ingon man independent candidates sa dakbayan aron subling pahimangnuan sa mga dapat ug dili dapat himuon panahon sa pagpangampanya.*
*Sumala kang atty. April miguel, election officer sa comelec gensan nga lakip sa mga nahisgutan mao ang pagbutang ug watcher sa matag kandidato panahon mismo sa piniliay.*
*Anaa usab ang presensya sa bir aron sa pagpahimango sa 5% nga tax nga angayan nilang bayaran gumikan panahon sa kampanya, dakong kantidad ang lambigit niini.*
*Dugang pamahayag ni atty. Miguel nga sa ilahang pagpahigayon ug oplan baklas, aduna na silay ipila nga mga napanggatangal hilabina ang mga wala nabutang sa common poster areas.*
*Saysay niini nga human nagsubmitar ug certificate of candidacy ang mga nasangpit nga mga kandidato, gihatagan na sila ug listahan sa mga lugar kung asa pwedeng ibutang ang ilahang mga poster o mga propaganda.*
*Pagpaklaro ni atty. Miguel nga ayha nila gihimo ang pagbaklas sa mga campaign materials, ilaha ng gihatagan ug notice ang mga kandidato ug sulod sa tulo ka adlaw kung wala gihapon ginatanggal, sila na mismo ang magtanggal niini.*
*Gawas sa campaign materials nga ginapangbutang sa common poster areas, lakip sa ilahang ginamonitor mao ang mga social media account.*
*Gani, nagsubmitar na matud pa ang mga kandidato ngadto sa education and information department kon eid nga maoy nagatutok sa maongsocial media account sa mga kandidato.*
*Pamahayag ni atty. Miguel nga wala gina-bawalan ang mga sibilyan nga kini i-share o i-like apan hugot ang pagbawal sa mga empleyado sa gobyerno nga mu-like, share o comment sa maong mga post.*
