Usa ka candidates forum ang nakatakdang ipahigayon sa Morelos Campus sa Father Saturnino Urios University (FSUU) karong Abril 24 ning tuiga nga gipasiugdahan sa Commission on Election (COMELEC), Phil. Information Agency Caraga ug Butuan City Police Office.
Gibutyag ni City Election Officer Atty. Samuel Rollo, nga ang ipahigayong Candidates Forum maoy dugang kahigayunan sa mga kandidato nga ipadayag sa katawhan ang ilang kwalipikasyon, programa ug plataporma de gobyerno kung sila ang mapili sa posisyon nga ilang gidaganan.
Niini usab nga pamaagi adunay higayon ang mga botante nga maniid kung kinsa nga kandidato ang mas angayan nga sangunan sa renda sa panggamhanan.
Giimbitahan ang tanang mga kandidato gikan sa Congressman, Mayor ug konsehal sa dakbayan sa Butuan nga mosalmot sa maong forum ug lauman usab ang ilang presensya sa maong aktibidad.
[image: candidates forum.jpg]
