Cantinera muerto na lanciada

Mysterioso el matansa del un cantinera adentro del mismo canteen del un privado escuela na Sinunuc despues nohay ningunus quien ya mira con el incidente amediante con el presencia del maga guardia del escuela.
Con el victima ya conose como si Elizabeth Castillo, 49, anios de edad, viuda, de Callejon Drive, Guiwan.
Asegun na initial report del pulis alas 6 del aga cuando ya llega na escuela si Castillo y alas 9:30 del aga ya descubri conele muerto ya con monton lanciada na cuerpo.
El cosa ta queda mysterio amo que nohay del maga guardia el ya puede mira conel incidente.
Maga pulis y el maga del SOCO ya puede tambien recobri un kitchen knife na lugar del matansa.
Asegun na investigacion masquin tiene maga guardia adentro del escuela nohay sila puede nota tiene cosa ta pasa na canteen.
Mismo el otro ocupante del unlao canteen nohay tambien puede nota con el incidente.
Pero ya puede sila oyi sunor na canteen onde ta trabaha si Castillo pensariya tiene colebra ta sopla si Castillo pero alas 9:30 ya descobri sila muerto ya si Castillo.