Canyoneering ug Kawasan Falls sa Badian sirado una

68

Gihunong una ang canyoneering activity ug ang pagngaligo sa Kawasan Falls sa Barangay Matutinao sa lungsod sa Badian subay sa nagpadayong hulga sa coronavirus disease o covid-19 .

Si Badian Mayor Carmencita Lumain nipagawas ug kamanduan nga isuspenso una ang adventure ug swimming sa Kawasan Falls “until further notice” isip kabahin sa mga lakang nga malikayan ang pagsud sa covid-19 sa Sugbo .


Gawas sa mga lokal nga turista , daghang mga langyaw ang moduaw sa Badian halos matag adlaw alang sa canyoneering ug mangaligo sa Kawasan Falls .

Aron malikayan ang risgo sa covid -19 sirhan una ang maong dapit gikan sa mga turista aron ipatigbabaw ang paglantaw sa lgu sa kaayuhan sa panglawas sa matag usa .

Facebook Comments