Davao City – Giklaro sa Department of Education (DepEd)-XI ang mga guidelines niadtong mga areas kung asa nagpatuman og ‘class suspension’ ang ilang Local Government Unit (LGU).
Sa interbyu sa DXDC RMN Davao kang Jenielito Atillo, spokesperson sa DepEd-XI, gibutyag niini nga subay sa gipagawas nga guidelines ni DepEd-XI Regional Director Evelyn R. Fetalvero alang sa mga public schools, mamahimo nang trabahoon sa mga magtutudlo ang ilang reports sa ilang balay ug dili na muadto sa eskwelahan.
Samtang obligado ang mga principal, district supervisors ug school heads nga mo-report sa ilang mga opisina aron mapadayon ang operasyon sa mga eskwelahan ingon man ang mga non-teaching personnel.
“Kadtong mga non-teaching personnel nato nga na-assign sa mga eskwelahan ug mga district offices required usab sila nga mo-report sa ilang mga stations,” saysay ni Atillo.
Samtang nagdepende usab sa mga private school owners ug officias ang sistema sa attendance sa ilang teaching ug non-teaching personnel.
RadyoMaN Kirby Manzon
