Temporaryo una nga sirad-an sa syudad ang dalan sa Capistrano bounded by Gaerlan ug T. Chavez Sts. ug Hayes St. bounded by Rizal ug Burgos Sts., sugod unyang alas dos sa hapon hangtud alas otso sa gabii.
Kini tungod sa himoong opening ceremony sa usa ka semana nga Chinese New Year celebration.
Ang maong kamandoan ipatuman sa Roads and Traffic Administration pinasikad sa Executive Order no. 012-2019 A nga gipirmahan ni Mayor Oscar Moreno.
Tungod niini, ang tanang PUJs ug pribadong sakyanan ang gitambagang moagi sa temporaryong rota, agi sa Toribio-Chaves Sts. ug liko patuo o kaha pawala sa Gaerlan Street.
Giaghat usab sa lokal nga kagamhanan sa syudad ang mga Kagay-anons sa pagtambong sa opening program sa Mini Park sa City Hall Compound ning syudad unyang alas singko sa hapon.
