Roxas City, Capiz – Ginakonsiderar sang City Health Office nga CoVid-19 Positive Case # 48 sa syudad sang Roxas si Governor Esteban “Nonoy” Contreras matapos nagdeklarar ini nga nagpositibo RT-PCR Test.
Ginpahayag ni City Health Officer Dra. Lory Cahilog nga sa Barangay Lanot, Roxas City ang address ni Governor Contreras, rason nga kalakip na ini sa mga kaso sang COVID-19 sa syudad.
Yari ang mensahe ni Mayor Ronnie Dadivas:
“Matapos magdeklarar ni Governor Esteban Evan Contreras nga siya nag-POSITIBO sa RT-PCR Test, siya guina konsiderar nga CoVid-19 Positive Case #48 sang Roxas City.
Sa sini nga kaangtanan, nagalaum ang Roxas City Government nga magbuligay ang Provincial Health Office kag City Health Office sa pagpatigayun sang contact tracing kag pagmonitor sa mga na identify nga high risk contact para masigurado ang kaluwasan sang mga residente nga ara sa palibot kag sang bug-os nga Roxas City.
With this development, I wish the Governor well and may he fully recover soon”.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
