Roxas City, Capiz- Gina-obserbahan sa subong sa isa ka ospital sa syudad sang Roxas ang ikaduha nga PUI ukon person under investigation angut sa maka-alarma nga 2019 Novel Corona Virus.
Suno sa Provincial Health Office, ini ang isa ka babaye nga OFW halin sa Hongkong nga naga pang-edaron sang 43-anyos kun sa diin nag-abot sa Capiz sang nakaligad nga Enero 19 para sa bakasyon.
Enero 31, sang nakitaan sang sintomas kaangay sang pag-ubo ang amo nga persona kabangdanan ini ang nagpakunsolta sang Pebrero 3.
Ginpakamaayo nga ini ang i-admit sa ospital kag sa subong ang naka-quarantine.
Nakuhaan naman sang mga specimen ang amo nga OFW para sa nagakaigo nga laboratory test sa Research Institute for Tropical Medicine ukon RITM.
Facebook Comments
