Roxas City, Capiz – Panibag-o nga 28 ka dugang nga confirmed cases sang COVID-19 ang nabalhag sang Capiz Provincial Health Office(PHO) kabangdanan nga nagsaka na sa 803 ang kaso sang nasambitan nga balatian sa probinsya.
Base sa Status Update of Coronavirus Disease 2019 (COVID-19) nga ginpaguha sang amu nga ahensya, onse(11) ka dugang nga kaso ang narekord halin sa Roxas City; anum(6) ang halin sa banwa sang Dumalag; duha(2) ka kaso ang halin sa banwa sang Pontevedra kag Maayon; samtang may yara sang tig-isa(1) ka kaso ang nalista sa mga banwa sang Jamindan, President Roxas, Pilar, Dao, Dumarao, Panay kag banwa sang Cuartero.
Sa 803 ka kumpirmado nga kaso sang probinsya sang Capiz, 649 diri ang nakarekober na ukon 80.82% samtang 41 ang nagkalamatay bangud sa COVID-19.
