Capiz PPO, nagtan-ay sang bulig pinansyal sa pulis nga nasunogan sang balay sa banwa sang Pontevedra sang nakaligad nga Bag-ong Tuig!

Roxas City, Capiz- Personal nga ginbaton ni Police Staff Sgt Mario Balasa Jr ang ginhatag nga bulig-pinansyal sang Capiz PPO matapos nga nasunog ang poluy-an sang pamilya sini sang nakaligad nga Bag-ong Tuig.
Kabug-osan nga P70, 000 pesos nga cash ang gintugyan nanday CPPO Provincial Director Col Julio Gustilo Jr. kag Provincial Advisory Council Chairman Mr. Ivan Chu sa nasambitan nga police officer.
Ini nga kantidad ang natigayon nga matipon paagi man sa bulig sang mga kapareho sini nga kapulisan sa Capiz PPO.
Sa madumdoman, lima ka mga panimalay ang natigayon gid nga lamunon sang kalayo kalakip ang iya sang pamilya ni Police Staff Sgt Mario Balasa Jr sang nakaligad nga Enero 1 kun sa diin naubos gid sunog ang ila mga kagamitan.