Huli sa checkpoint ng Tuba, Benguet ang isang car wash boy na tumangay ng Ford Everest Titanium na sasakyan.
Sa ibinahaging impormasyon ng Cagayan Provincial Information Office, nahuli ng PNP Tuba ang suspek na si Hernand Zabaro, 24-taong gulang sa checkpoint kasunod ng inilabas na “Flash Alarm” ng mga awtoridad.
Wala umanong naipakitang ID ang naturang suspek nang sitahin dahilan ng kanyang pagkaaresto.
Matatandaan na una nang napa-ulat na tinangay ng suspek ang sasakyan sa bayan ng Sanchez,Mira, Cagayan noong Sabado, Nobyembre 5, 2022.
Napag-alamang isang buwan palang na namamalagi sa nasabing bayan ang suspek at dalawang linggo na nagtatrabaho bilang car wash boy.
Facebook Comments
